مطلوب شهادة روشنه

مجموعة من الشباب وقفين مع بعض فى مول من مولات أسكندريه ، كل واحد منهم يمشى شايف نفسه شمال ويمين ، معتقد أن عيون كل البنات بتبص عليه
نيجى لأول شاب
شاب طويل وعريض لابس بنطلون بوسط ساقط ، هوه فاهم أن الوسط الساقط ده مخليه شاب كول آخر حاجه
أما الشاب التانى بأه
يتمتع بكرش ضخم يخليخ يقدر يقفل شارع بأكلمه ماشاء الله ، ومع ذلك مصر أنه يلبس"تي شيرت إسترتش" يلزق على جسمه علشان يبين كافة معالِم الكرش، ده على أساس أن الكرش ده عز وكده وماشى بكل ثقه ما هوه لابس "تي شيرت" ماركة عالمية وااااااااااااااو شيك آخر حاجه يابخته
مقابل ليهم فى النحيه التانيه للمول واقف شويه بنات أنما أيه موزز طحن
الأولى رغم طولها الفارع لابسه "جيبة قصيرة" جداجدا علشان تبين عودين القصب يووووووه قصدى رجول الكنب يوووووه قصدى رجليها الطويله جدا
وقفها جنبها على طول صحبتها الأنتيييييم وديه بأه محجبه ولبسه 5 أيشاربات فوق بعض فيها كل ألوان الطيف علشان لفت الأنظار برده ، المشكلة بأه أن وشها صغير جداجدا وهى متعرفش ياعينى أن الشباب هيعانوا أوى على ما يعرفوا وشها فين ويحددوا معالم وشها بين كل الإيشاربات ديه
أما الأخيرة فهى بنت سمره لو دققت النظر فيها هتلاقيها جميله للغايه
ولكن للأسف حطه نص طن من المساحيق المبيضه فوق وشهها لحد ما فعلا بأت تستحق وظيفه المهرج وبجداااااااره
كل الشباب والبنات دووول بلغة النهارده أسمهم شباب "روش" و"كول"، وكمان من طبقه أجتماعيه هاى كلاس ، فتلاقيهم مش بيلبسوا إلا الهدوم (السينية)، والبنات بتجيب الميك أب من الماركات العالميه والهدوم من أرقى بيوت الموضة
ولكن باين كده أن المشكله ديه فاقت فكره الماركات والموضه و الذوق، وفكرة لبس ما يتلاءم مع الإنسان في حد ذاته، ومع أللى بيليق وأللى مش بيليق .. وبقت فكرة أن الموضة كده يبقى لازم نقلدها لو كان المنتج ده ماركه عالميه يبقى لازم يتلبس مش مهم هيليق علينا ولا لاء
مبقتش الطبقه الاهاى كلاس هى بس اللى بأت تتسم بالأفكار ديه ،لاخد عندك بأه البنت البسيطه أللى بتجيب لبسها من "وكالة البلح"، وتُقلّب في كومة الهدوم أللى موجوده على الأرض وهى بأه مطبوع عليها أسامى أكبر الماركات العالميه
بس متخليش البضاعه ديه تخدعك لأنها متقلده الحاجه الوحيده المشتركه بينها وبين الأصليه أنها مأخوذه من الموضوه أللى موجوده أللى هى البنطلوانات الساقطه والجيبه القصيره كده يعنى وبكده تقدر البنت البسيطه انها تلبس على أحدث موضه متقدرش تفرق بينها وبين البنت الهاى كلاس أللى بتلبس من المول ولو من بعيد
فيه كمان عامل مشترك مهم جدا ،أن البنت البسيطه ديه هتلبس كل ما لا بتلاءم معاها ومع لبسها بحجه أنها عايزخ تلبس على الموضوع وتكون بنت كول وأستايل
المصيبه ان الكلمات ديه أللى هى كول وروش وأستايل بأت تتكم فينا بطريقه لا أراديه يعنى حتى لو هتعملها غصب عنك علشان المظاهر وأن شكلك يبقى تمام ويتقال عليك أنك بتفهم فى الزوق وآخر صيحات الكلام الروش طحن
نبلاقى الشباب مثلا بتغير موبايلهم كل كام شهرعلشان الموضوع برده حتى لو هيستلف تمنه ، أو يضغط على أهله من النحيه الماديه بس المهم انه يجيبوا علشان يتمنظر بيه أدام المووزه بتعته ، أو ياخد فلوس الدروس وميحضرش ويغير بيها الموبايل
لا وتلاقى بعض الرجاله وأسفه انى بقول عليهم رجاله يقصروا على دخل بيتهم فى المصاريف علشان يغير الموبايل ويكون معاه أحدث الموبايلات
هههههه سبحان الله حتى العِلم، أللى هوه المفروض يكون هدف سامى، وموقف شخصي كامل، دخل فيه التباهي؛فتلاقى الشاب يدخل كلية الطب أو الهندسة مش علشان هوه بيحب المجال ده ؛ لا ده علشان الكليه ديه من كليات القمه وهتديله فرصه أنه يتباها أدام البنت الفلانيه أنه دكتور ولا مهندس وتلاقى بباه بيقوله ايه ذاكر يا حبيبى علشان تكون دكتور وممتك تتأنعر بيك أدام زميلها والله ونعم الأب يعنى مش عايزه يكون دكتور علشان يفيد الناس ويفيد نفسه لا عايزه يتنطط بيه أدام فلان وعلان
حياتنا بأت سلسله من التظاهر ومحاولات الصعود على الغير، وكأن لسان حال كل فرد في المجتمع للآخرين "نحن أكثر منكم مالاً وأعزّ نفراً".
بأينا نلبس أللى مينسبناش ، ونتعلّم اللى مش بنحبه ونشتري أللى مش بنحتاجه لا وساعات ناكل أللى مستحيل نستطعمه لمجرد أننا نتظاهر على شئ غير أللى أحنا عليه علشان نثبت للأخرين أننا ماشيين على خُطى الموضة وأننا مش متأخرين ولا متخلفين
لحد ما بقى كل شئ فى حياتنا ممسوخ ومش طبيعى وبأينا مجرد نسخه مقلده ملناش أهميه طالما الاصل موجود
كل واحد مننا يمشى وكأن مطلوب منه أنه يكون حاصل على شهاده بأنه كوووووول آخر حاجه وإلا يسقط من نظر المجتمع وأللى فيه
أرحمنا يارب
معلش طولت عليكوا